Canon PowerShot G3 X - 单车摄游澳门风情

黎到澳门,大家通常都会饮饮食食,不过最锺意喺异地城市踩单车嘅我哋,最近先第一次黎到呢度踩一转小小环澳之旅,单车游不方便带太多拍摄器材,今次,我哋带埋Canon PowerShot G3 X记低旅程点滴。G3 X 机身轻巧之余更同时备有25倍zoom,远近及微距皆宜,喺旅程中唔会造成好大负担,非常适合旅游同踩单车,令我哋呢啲喜欢边踩单车边影相嘅用家玩得更尽兴!

光圈:f/5.6 快门:1/500s ISO:400

环澳路线:澳门雅廉访大马路>罅些喇提督市北街>西湾湖景大马路>民国大马路>嘉路米耶圆形地

今次环澳路线其实好简单,因为之前我哋请教咗澳门朋友,佢哋推介我哋沿着大马路踩。行程中没走什幺偏僻路,亦避开了大三巴之类繁忙嘅游客区和上山区域,我哋从非常舒服嘅林荫大道-高士德雅廉访大马路开始出发。

 

 

光圈:f/5.6 快门:1/1000s ISO:400

踩到尽头就会转入沙梨头嘅罅些喇提督大马路,街道虽然比较繁忙多车,但司机都十分礼让。至少,我哋一次都没有给人「呠」 过。

 

光圈:f/5.6 快门:1/1250s ISO:400

一直沿路踩到河边新街,就可以来到位于妈阁嘅海事博物馆,海事博物馆係一幢古典又漂亮嘅墨绿色建筑。利用相机嘅格线构图功能,就可以更对应建筑嘅格线,令相片整体更工整同特别。

 

光圈:f/5.6 快门:1/500s ISO:400

而妈阁庙就在海事博物馆嘅20步之遥,妈闾庙前有一块小空地,晴天下午有唔少人坐喺度乘凉,实在係非常舒服。不过喺树荫下影相,就容易出现光差情况,呢个时候镜头上嘅控制环就大派用场,可以即时手动调整光圈及ISO,仲可以调整其他设定,而且 G3 X 嘅ISO更加可高达 125 – 12800,无论任何时间拍照都更加方便。

 

 

光圈:f/5.6 快门:1/2000s ISO:400

之后再继续我哋嘅旅程,沿着妈阁庙旁前嘅妈阁上街踩,街道非常幽静,与市中心嘅感觉完全差天共地。沿着民国大马路踩大概5分钟左右,我哋就黎到西湾湖旁,呢到可以清楚远眺澳门旅游塔。当日天气超好加上蓝天白云,但喺强烈阳光下其实好难睇到相机嘅LCD萤幕,于是我就利用G3 X嘅外置电子观景器 EVF 拍摄。而且EVF 显示嘅数据布局同LCD萤幕一样,用起上黎非常方便~

 

光圈:f/5.6 快门:1/2000s ISO:400

一直沿着围绕西湾湖嘅民国大马路踩,就可以从唔同角度睇到澳门旅游塔,而且呢一边更加有树荫,唔会被西斜嘅太阳晒到。除咗可以喺湖边休息,更可以影下相,同朋友吹吹水~

 

光圈:f/11 快门:1/2000s ISO:400

 

 

光圈:f/5.6 快门:1/2000s ISO:400

天涯旅游机 PowerShot G3 X实在超级方便,最大优点係远近皆宜,因为镜头最远可以有成 25倍变焦,所以就算我企喺湖边,连準备跳旅游塔嘅勇者都可以清楚影到~

 

光圈:f/5.6 快门:1/2000s ISO:400

如果有玩过远摄嘅朋友都知道,镜头zoom 到高倍数嘅时候,基本上手一郁就会完全离开想拍摄嘅範围。PowerShot G3 X 就备有「强化远摄构图辅助功能」,只要一按镜头旁嘅「搜寻」掣,就可以zoom out再搵返目标,放手就会自动 zoom in 返,咁就可以解决问题啦。等咗十几分钟,终于有人跳 bungee jump 喇!

 

光圈:f/3.5 快门:1/160s ISO:400

不过,个人认为最正都係踩到北区,因为相比起新口岸、大三巴等游客区,北区嘅路面交通相对平静,踩起车上嚟十分舒适。正因为远离游客区,北区係最接近本地人嘅社区,要感受澳门最真实嘅一面,北区係最值得嚟睇下嘅地方。

 

光圈:f/4.5 快门:1/25s ISO:400

由日头踩到夜晚,体力消耗好大!所以,我哋食完晚饭仲未够饱,就黎到三盏灯旁嘅飞能便度街食冯记猪脚姜。我平时好少食猪脚姜,呢度嘅猪脚姜只係8 MOP一串,而且好入味,加上老闆非常搞笑~

 

今次环澳之旅影咗唔少靓相,有赖PowerShot G3 X 方便嘅拍摄功能,令我唔洗费神思考点样操作,都可以轻鬆影到想影嘅目标。最值得一提嘅係,有时候我哋踩单车可能会遇到毛毛雨,有防尘防水滴功能嘅PowerShot G3 X,就更能发挥相当重要嘅功用。下次再有单车之旅应该会再带PowerShot G3 X 出发!

 

 

路线图